amalinks wokungena

Breaking News

AbeMthwakazi Basa Udaba "Lobandlululo" ko Pick N Pay eSouth Africa


Amapholisa phandle kwe TM Pick N Pay.

Ibandla leMthwakazi Republic Party lithi selilindele impendulo evela esigodlweni sevinkili lePick and Pay kweleSouth Africa, ngemva kokunikeza abakhokheli balesi isitolo ugwalo lwezikhalazo olwe petition, olusola ukuqhatshwa kwabantu abavela kwezinye izigaba zelizwe endaweni yalabo abahlala koBulawayo.

Ugwalo lolu lubetha amagama abakhokheli bevinkili le Pick N Pay elithi balobandlululo kanye labantu besiNdebeleni ababikwa baxotshwa ukwenzela ukuthi kuqhatshwe abesiShoneni.

Imizamo yokukhulumisana leziphathamandla zePick and Pay ngaloludaba yehlule.

Ngeviki edluleyo amalunga eMRP akhokhele ukutshengisela ngensolo yokuxotshwa kwabeSindebele okithiwakwenziwa ngu manager we Pick N Pay okusekelwe yizakhamuzi zako Bulawayoezinengi kwaze kwabotshwa enye inkokheli ye MRP.

Imizamo yokukhuluma lesiphathamandla se TM Pick N Pay, uMnu. Ntini yehlule ngoba ucingo lwakhe belunga dojwa.

Okunengi ngaloludaba asikuzweni kungxoxo loMnu. Njabulo Ngwenya, unobhala obona ngobudlelwano lamanye amazwe kubandla leMthwakazi Republic Party, okuqula eliqhube ugwalo lwepetition eSouth Africa.

“Sike sakhulumisana labo siding ukuthi kube le official communication evela kubo eqondana lalwona daba basitshele ukuthi hayi balwamukele udaba lwethu basalukhangela,” kutsho uNgwenya.

Uthi babakhuthaze iziphathamandla ze Pick N Pay ukuthi zihluze loludaba ngesiphangiphangi.

Wengezelele esithi udabo lolu asilo daba oluncane ngoba luthinda indaba ezinengi zelizwe.

“Thina asizange sithi kukhethwe umhlobo othile kodwa sibona kuqatshwa abohlobo lunye kuphela,” kutsho uNgwenya.

Uthi kumele abantu basebenze ezigabeni zabo hatshi ukuyathathela imisebenzi abahlala lapho ngoba udaba lwe devolution lukhuthaza ukuthi izigaba zelizwe zizibonele.

please wait

No media source currently available

0:00 0:02:24 0:00

Facebook Forum

XS
SM
MD
LG