amalinks wokungena

Breaking News

AbeMthwakazi Queens UK, Bathi Sebebhalisile Okusemthethweni


Mthwakazi Queens UK

Abesifazana abadabuka ezigabeni zeMandebeleni, eZimbabwe asebehlala eNgilande, abazizibiza ngokuthi yiMthwakazi Queens UK, bathi bayathuthuka lokhu basungulayo iqembu leli lokuhlomisana njengabomama ukuze banqobe kunkinga abadibana lazo empilweni, ezimulini lasemsebenzini besemazweni.

Kunje omama laba bathi sebenelise ukubhalisa okusemthethweni njengenhlanganiso ezimeleyo esebenzela ukuphathisa uzulu ingatholi nzuzo khonale kwele Bhilithani.

Unkosazana Sazini Malaba weMthwakazi Queens UK
Unkosazana Sazini Malaba weMthwakazi Queens UK

Owasungula leliqembu enguye njalo umkhokheli walo okwamanje, uNkosazana Sazini Malaba uthi balisingula ngomnyaka ka2015 ngenhloso yokuthola indlela yokubuthanisa omama abadabuka eMatebeleland, ukuze bahlangane babelane ulwazi lokuncedisa empilweni bekhatshana lekhaya.

“Silenhlelo esizenzayo ukuphathisana labomama khonapha eNgilande kanye lasekhaya. Ekhaya sesenelisa ukubhadalela indleko yezifundo ebantwaneni ababili ekholitshini leNUST, omunye ugraduetile sikhulumanje kanje” kutsho uNkosazana Malaba kunxoxo ayenze leStudio 7.

Okwamanje njengoba isikhathi somqando sesisondela e Zimbabwe uthi sebeqalisile uhlelo lokubuthanisa uncedo lwezigqoko, ingubo kanye lemali yokuthumeza loloncedo emzini ogcina asebekhulile owe Entembeni Peoples Home okoBulawayo.

Udaba lwabeMthwakazi Queens kungxoxo loNkosazana Sazini Malaba
please wait

No media source currently available

0:00 0:05:19 0:00

Facebook Forum

XS
SM
MD
LG