amalinks wokungena

Breaking News

Abesifazana Balawo Amathuba Kusisekelo Sombuso


women in business
women in business
Isisekelo esitsha sombuso esikhangelelwe ukuba ngumthetho wokwamukelwa kwaso kukhetho lweReferendum silawo amathuba amanengi okuthi abesifazana basebenzise umthetho ukuthuthukisa impilo zabo kanye lamalungelo abo. Lokhu kuvele emhlanganweni wamaqgwetha kanye lengcwethi zamalungelo abesifazana owenzelwe koBulawayo ngolweSibili.


Umhlangano lo obubizwe yinhlanganiso ye Zimbabwe Lawyers for Human Rights ubujonge ukukhangelisisa amathuba abomama akhona ekuphathweni komthetho kulesi sisekelo sombuso esitsha.

Igqwetha uAdvocate Perpetua Dube, owayengomunye wengcitshi ezasebenza leCOPAC, uthi isisekelo sombuso lesi sikhuluma kabanzi ngamalungelo abesifazana kodwa kumele kunanzelelwe ukuthi ayisiwo wonke alakho ukuhanjiswa phambi komthethwandaba ukuthi agcwaliswe nguhulumende.

Uthi kulalawo angaphansi kwama Guiding Principles aveza kuphela ukuthi uhulumende kanye lelizwe bafisa ukuthi abesifazana baphathwe njani kodwa lokhu akungeke kwamangalelwa emthethwandaba nxa kungafezwanga.

Lanxa nje ugwalo lwesisekelo sombuso esitsha sadlula kuReferendamu kusela manye amanyathelo ambalwa okumelwe athathwe anduba lube ngumthetho. Lokhu kuzagoqela ukubuyela edale lephalamende kuvunyelwane bese lusiya sayinwa ngumongameli welizwe. Umhlangano lo uphathwe kunanzwa ilanga lamalungelo abesifazana i-International Women's Day eyaphathwa emhlabeni wonke jikelele mhlaka 8 kuyonale inyanga.

Kubika intathezilindaba yeStudio Seven uNothando Sibanda osipha lolu daba ngokugcweleyo ekoBulawayo.

please wait

No media source currently available

0:00 0:05:02 0:00
Lapho esitholakala khona
XS
SM
MD
LG