amalinks wokungena

Breaking News

Abesifazana Bathi Kunzima Ukuziphilisa Emazweni


Inyanga kaMbimbitho yinyanga eqakathekileyo kwabesifazane emhlabeni jikelele okugoqela abeZimbabwe. Kulaboke asebehlala kweleBotswana bakhala ngokuthi kunzima ukuziphilisa nxa abantu bephandle kwelizwe ikakhulu lapho abeselisa abayibo abalamandla.

Unkosikazi Sanele Sibindi wasuka eZimbabwe ngomnyaka ka2013 ezodinga ukuziphilisa kweleBotswana ngemva kokubona ukuthi amathuba ekhaya aya encipha.

Kodwa uthi noma nje elamaphepha okufundisa, akulula ukuthola umsebenzi eBotswana ikakhulu uma ungumama ngoba kumele uncintisane labesilisa. Uthi umhlaba wonke jikelele, abesilisa yibo abalokhe belawula endaweni ezinengi…

Kulukhuni ukudinga umsebenzi endaweni lapho amadoda alamandla khona. Kunzima njalo uma ungumama uvela kwelinye ilizwe ngoba abantu abakunaki ezikhathini ezinengi”.

Omunye wakhe uMemory Ndlovu uthi noma nje wawuthola umsebenzi eBotswana kwakungemva kokusokola. Uthi phezu kokulwa lokuba ngumama kulegama lokuba ngoweZimbabwe elingathathwa kahle eBotswana ngenxa yokuba izizalwane zakhona zibona abavela phandle bengabantu abazobathathela imsebenzi.

Ngangikwazi ukuthi akusoke kubelula ikakhulu uma ungowesifazane njalo uvela eZimbabwe. Isikhathi sesitshayile ukuthi umhlaba untshitshe indlela ophatha ngayo omama labo bathole amathuba afanayo”.

Uqhubeke esithi kulolunye udubo lokuthi abesilisa, ikakhulu labo abalamandla okuqhatsha, babona omama abadinga imsebenzi kumbe amathuba okuzithuthukisa, njengamathuba amahle okucela ucansi.

Akumelanga kube njalo ngoba ungaqoqoda emahofisi uthole kulowesilisa, okwakuqala akucabangayo yikucela uthando hatshi ukukusiza. Kuqakathekile ukuthi siqale ukubona omama njengabantu abalamathuba alingeneyo labesilisa hatshi njengemphahla yokusetshenziswa”.

Kunombolo zabadlula inkulungwane eyodwa zabeZimbabwe abangena eBotswana phose ingxenye ekhulwini ngabesifazane, inengi lizodinga amathuba okuziphilisa okufana lokuthengisa kanye lemisebenzi etshiyeneyo emahofisini kanye lezindlini.

please wait

No media source currently available

0:00 0:01:34 0:00
Lapho esitholakala khona

XS
SM
MD
LG