HARARE —
Abesifazane eZimbabwe baveza ukuba lokhe beqhubeka bebhekane lobunzima empilweni ngoba lomumo kwezomnotho uqhubeka usiba ukuba mubi ngemva kokuthatha intambo zombuso kwebandla le Zanu PF nyakenye. Ngasikhathi sinye inkokheli yohlangothi lwabesifazane kucele le MDC elikhokhelwa ngumnumzana Morgan Tsvangirayi zithi zikhathazekile kakhulu ngesimo sabesifazane elizweni.
Unkosikazi Suku-oluhle Ndiweni ungumama oleminyaka engamatshumi amathathu lanye lengane ezine.Uyisakhamuzi semzini weMufakose njalo engumfelokazi owabhujelwa ngumkakhe ngomnyaka ka 2004.
Ukhala ngomumo kwezomnotho unkosikazi Ndiweni ethi lokhe uqhubeka usiba mubi njalo engelalo ithemba lokuba uzakwanelisa ukubatholisa okudingakalayo abantwabakhe.
Lokhu kugcizelelwe ngunkosazana Tsitsi Moyo oleminyaka engamatshumi amabibili lanhlanu ohlala emzini we Glenview e Harare.
Uthi umaMoyo usuka ube mubi kakhulu umumo kubomama abondla abantwana bengela muyeni lamantombazana aswela imisebenzi lanxa bele mfundo yaphezulu.
Emhlanganweni wakuqala owenziwe izolo,wohlangothi lwabesifazane ebandleni eliphikisayo le MDC ekhokhelwa ngumnumzana Morgan Tsvangirayi, inkokheli zabesifazane kulelibandla ziveze ukukhathazeka okukhulu phezu komumo wabesifazane elizweni ikakhulu labo abaswelayo.
Umgcinisihlalo waloluhlangothi unkosikazi Theresa Makone utshele intathelizindaba ukuba abebandla lakhe badaniswe ngumbiko ovele kunkokheli zezigaba ilizwe lonke phezu kwesimo sabesifazane labantwana.
Unkosikazi Sibusisiwe Masara ungunobhala jikelele kuloluhlangothi lwabesifazane lwe MDC-T. Ungummeli we Victoria Falls esigabeni seMatebeleland North ngemva kokukhethwa ngaphansi kwe Propotional Represantation lapho athi umumo uuqhubeka usiba mubi kakhulu kwabesifazane bemaphandleni.
Uthi unkosikazi Masara,sekusobala ukuba lohulumende weZanu Pf obusayo usephelelwe ngamacebo wokululungisisa loludaba ngaba engelazo indlela zokuba aluqede kanjani loludubo nanko sekusengezwa layikuvalwa kwamankampani elizweni abephathisa ukuqhatsha abantu kuthuthukisa lemali uhulumende abekade eyithola ngemva kokuhlawulisa lezi zisebenzi imali yomthelo.
Impumela ye Census esanda kwenziwa itshengisa ukuba abesifazane eZimbabwe yibo abalenani eliphezulu elizweni bekusilinganiso sokungamatshuni amahlanu lanye ekhulwini ( 51% ) kodwa isimanga yikuba yibo ababhekane lobunzima.
Lokhu kusuka kubangele ukwengezwa kokudubeka kwabantwana abayibo abakhangelele ukutholiswa konke okudingakalayo kuvelela kubomama ikakhulu nxa kuyikuthi owesifazane lowo engophila yedwa ngezizatho ezehlukeneyo okubalisa ukufelwa.
Unkosikazi Suku-oluhle Ndiweni ungumama oleminyaka engamatshumi amathathu lanye lengane ezine.Uyisakhamuzi semzini weMufakose njalo engumfelokazi owabhujelwa ngumkakhe ngomnyaka ka 2004.
Ukhala ngomumo kwezomnotho unkosikazi Ndiweni ethi lokhe uqhubeka usiba mubi njalo engelalo ithemba lokuba uzakwanelisa ukubatholisa okudingakalayo abantwabakhe.
Lokhu kugcizelelwe ngunkosazana Tsitsi Moyo oleminyaka engamatshumi amabibili lanhlanu ohlala emzini we Glenview e Harare.
Uthi umaMoyo usuka ube mubi kakhulu umumo kubomama abondla abantwana bengela muyeni lamantombazana aswela imisebenzi lanxa bele mfundo yaphezulu.
Emhlanganweni wakuqala owenziwe izolo,wohlangothi lwabesifazane ebandleni eliphikisayo le MDC ekhokhelwa ngumnumzana Morgan Tsvangirayi, inkokheli zabesifazane kulelibandla ziveze ukukhathazeka okukhulu phezu komumo wabesifazane elizweni ikakhulu labo abaswelayo.
Umgcinisihlalo waloluhlangothi unkosikazi Theresa Makone utshele intathelizindaba ukuba abebandla lakhe badaniswe ngumbiko ovele kunkokheli zezigaba ilizwe lonke phezu kwesimo sabesifazane labantwana.
Unkosikazi Sibusisiwe Masara ungunobhala jikelele kuloluhlangothi lwabesifazane lwe MDC-T. Ungummeli we Victoria Falls esigabeni seMatebeleland North ngemva kokukhethwa ngaphansi kwe Propotional Represantation lapho athi umumo uuqhubeka usiba mubi kakhulu kwabesifazane bemaphandleni.
Uthi unkosikazi Masara,sekusobala ukuba lohulumende weZanu Pf obusayo usephelelwe ngamacebo wokululungisisa loludaba ngaba engelazo indlela zokuba aluqede kanjani loludubo nanko sekusengezwa layikuvalwa kwamankampani elizweni abephathisa ukuqhatsha abantu kuthuthukisa lemali uhulumende abekade eyithola ngemva kokuhlawulisa lezi zisebenzi imali yomthelo.
Impumela ye Census esanda kwenziwa itshengisa ukuba abesifazane eZimbabwe yibo abalenani eliphezulu elizweni bekusilinganiso sokungamatshuni amahlanu lanye ekhulwini ( 51% ) kodwa isimanga yikuba yibo ababhekane lobunzima.
Lokhu kusuka kubangele ukwengezwa kokudubeka kwabantwana abayibo abakhangelele ukutholiswa konke okudingakalayo kuvelela kubomama ikakhulu nxa kuyikuthi owesifazane lowo engophila yedwa ngezizatho ezehlukeneyo okubalisa ukufelwa.