Namhalnje kuhlelo lwethu Liphuma Lendaba Litshona Lendaba sixoxa loNkosikazi Queenie Maligwa owalwa impi yenkululeko ephansi kwevuyo le Zipra sihlaziya indlela abesifazane abalwa impi yenkululeko abaphathwa ngayo ngalesisikhathi ngabanye babo abesilisa.
Lokhu kulandela ukuvezwa kwembiko ethi abesifazane abalwa impi yenkululeko, ikakhulu ababephansi kwevuyo le Zanla, abadlwengulwa ngabanye babo.
Iphephandaba le The Sunday Mail liveze ukuba abanye, abafana loNkosikazi Joice Mujuru babesiya emacansini lenkokheli yebutho ukuze baphathwe kuhle.
Kodwa uNkosikazi Maligwa uthi lokhu akungeke kwabaliqiniso ngoba kukhanya limbiko ingeyokungcolisana nje kuphela.
Wengenzelele esithi kuvuyo le Zipra inkamba zabesifazane zazehlukene lezabesilisa okwakusenza kubenzima ukuthi abesfazane badlwengulwe kumbe baye emacansini labanye babo.
Kutsho uMaligwa: "Thina sasihlala silindiwe ngoba laye lowo baba owaynagafohla wayengaba lobunzima ngoba kwakungavunyelwa."
Uthi kanti vele indaba lezi eseziphuma nahla kungani zingaphumanga ngesikhathi impi iphela.
