amalinks wokungena

Breaking News

AbeZanu PF Basola uMongameli Biden Ngokuqhelisa Izijeziso Zenotho


U.S. President Joe Biden signs executive orders in the Oval Office of the White House in Washington, after his inauguration as the 46th President of the United States, U.S., January 20, 2021. REUTERS/Tom Brenner

UMongameli weMelika uMnu Joe Biden seqhelise izijeziso ezetheswa amalunga eZanu PF nguhulumende welizwe lakhe esithi uMongameli Emmerson Mnangagwa labanye bakhe baqhubeka besephula amalungelo kazulu.

Kumbiko awethule izolo, uBiden uthe izijeziso lezi zizaqhubeka zikhona njalo okomnyaka.

Ubiden uthe uhulumende kaMnangagwa uya phambili ngezenzo ezimbi ezivimba umbuso okhululekileyo eZimbabwe ezifana lokubotshwa mahlayana kwentathelizindaba labamabandla aphikisayo.

Uthe ukuze izijeziso lezi zesulwe, kumele uMnangagwa alethe inguquko ezwayo kwezombusazwe lakwezenotho.

Edlula ikhulu amalunga ebandla leZanu PF kanye lamankampani alobudlelwano lebandla leli akuzijeziso zeMelika.

EleBhilithani lalo lisungule ezalo izijeziso eziqondane lamalunga eZanu PF ngenyanga edluleyo lizimele kulandela ukuphuma kwalo kumanyano weEuropean Union.

Izijeziso lezi ziza ngesikhathi uhulumende kaMnangagwa esithi ufuna ukulungisisa ubudlelwano beZimbabwe lamazwe angentshonalanga.

Isikhulumeli sikahulumende uNkosizakazi Monica Mutswangwa kaphendulanga imibizo esimthumele yona ngaloludaba.

Kodwa ilunga leZanu PF uMnu Joseph Tshuma usole uBiden esithi izijeziso lezi ziphazamisa uzulu weZimbabwe makhaza.

please wait

No media source currently available

0:00 0:03:35 0:00

Ingcwethi kwezombusazwe uMnu Effie Dlela Ncube utshele iStudio 7 ukuthi ukuqheliswa kwezijeziso lezi akumangalisi ngoba uhulumende weZanu PF eqhubeka ngokwephula amalungelo oluntu.

please wait

No media source currently available

0:00 0:02:03 0:00

Facebook Forum

XS
SM
MD
LG