Inengi lezizalwane zeZimbabwe esezihlala kwele South Africa ezingenelisanga ukuya ekhaya lonyaka zizakhuthwa yibunandi beKhisimusi lonyaka.
UMchasiseli Gwaza ohlala eMagwegwe uthi besabile ukuya ekhaya ngokuzwa ukuthi izinto sezidula kanti futhi kunengi okusilelayo.
"Ngithi hi hi hi lapho eMagwegwe, kuzozonke izinsizwa ezikhona lapho eMagwegwe ngithi yini esharp? Ngeke sibuye thina this year kuthiwa akulamali. Kodwake la kumnandi siyazidlela kumnandi. Ngeke sibuye kodwa ekhaya, kodwa sithi khisimusi omuhle lapho eZimbabwe, liyezwa? Right"
Unkosikazi Caroline Ncube yena uthi ezihlotsheni zakhe ezisekhaya ziwakhumuze zingawadlalisi amakhumukhumu ekhisimusi.
"Merry merry merry Christmas ngiyalibingelela lonke eLupane esigabeni seShashe. Ngithi sawubona NaKo, sawubona gogo wami, sawubona malumami usaSindisiwe, uKaison, uPeter Ngwenya, uMagret Ngwenya. Ngithi ngiyalithanda lonke zihlobo zami.
Umnumnzana Andrew Ncube odabuka phansi khonale eLower Gweru laye uthi ubafisela ikhisimusi elitshukela abakubo.
Salibonani lonke ekhaya ngaseLower Gwero lapha engisuka khona. Hayi mina angisezukubuya ekhaya ngoba eish impilo yasekhaya ngeke ngiyikhone. Ngizosala ngilapha eGoli angibuyi ekhaya. Ngilifisela impilo enhle lidlale ikhisimusi enhle. Abahamba emgwaqweni lihambe kahle ukuze liyefika lapho eliyakhona emakhaya ngiyabonga.
Unkosazana Sisa Ncube yena uthi beyidle bengakhohlwa ukuthi ikusasa liyabekelwa.
Ngizothanda ukubulisa ugogo wami oseMorning side, ugogo wami ose Saw Mills, ugogo wami oseMatopo lalowo osengumpoyisa, lo aunt wami uGwiso. Ngibulise loBeauty ngiyamkhumbula loNelly, loSuku ngithi lonkenje ngiyalikhumbula ngithemba liphilile.
Umnumnzana Aaron Dube uthi izakuba yikhisimusi emunyu njengoba ezayidla engekho ndawonye lemuli yakhe.
Ngithi mina libe leKhisimusi enhle. Ngifisela umfowethu uSagugu lo Agripa ekhaya, lonaNkosi uSilibaziso Nkomo labosibali oTizhe, labantwabami oNkosana labo Nkosiyethu. oThabo, oThabisani, loSisi wami omdala uNaSme. Lo Waru, loJabu, loWalace umzukulu. Ngithi lonke ngilifisela okuhle bantu bakithi lapho eGankabezi eFelabusi
Kantike uMduduzi Dube odabuka eKezi oweqembu le Ubuhle bamanguni uthi njengeqembu bafisela iZimbabwe yonke ikhisimusi enhle ngengoma yabole ekhuluma ngenjabulo.
