amalinks wokungena

Breaking News

AbeZimbabwe Batshengisela Esigodlweni Sommeli Welizwe Labo KweleSouth Africa


Ukutshengisela kukamhlaka 31 Ntulikazi kwezizalwane zeZimbabwe, ezihlala kweleSouth Africa

Izizalwane zeZimbabwe kweleSouth Africa, inengi lazo kungamalunga eMovement for Democratic Change Alliance, zitshengisele lamhlanje emahofisini omeli weZimbabwe ePretoria laseConsulate eCapetown, zisithi uhulumende weZanu PF akehle esihlalweni useyehlulekile.

Akuthathanga sikhathi umbuthano wabeZimbabwe laba ungakachithwa ngamapholisa, ngenxa yokwesabela ingozi yokumemetheka kwegciwane lecoronavirus, kwazise yikutshengisela abakwenze bengelamvumo.

Kodwake umgcinisihlalo weMDC Alliance kweleSouth Africa umnumnzana Trust Ndlovu, uthi ngokufika kwabo lapho umlayezo wabo uhle wacaca kuhulumende weZanu pf.

“Lana sikhala ngokuhlukumezwa kwamalungelo abantu beZimbabwe. Ngokuhlukumezwa komnotho weZimbabwe. EZimbabwe sifuna ukuthi icorruption iphele. Sifuna ukuthi sivunyelwe ukukhetha abantu esibafunayo ukuthi bazosikhokhela ngoba manje sikhokhelwa ngabantu esingabathandi, abakhohlakele. Sifuna ukuthi kube lamareforms ukwenzela ukuthi bantu babe lelungelo lokukhetha uhulumeni abamthandayo.”

AbeZimbabwe abahlala eCape Town labo inengi labo obekungamalunga eMDC Alliance labo baye bayabuthana eConsulate eCape Town, umhlangano wabo wachithwa ngamapholisa sekwedlule ihola betshengisela.

Omunye wabebetshengisela ePretoria umnumnzana Bukhosi Sibanda, uthi manje sekuyisikhathi ukuthi umongameli Emmerson Mnangagwa akuzwisise ukuthi wayesitshoni ma wayethi Izwi labantu yizwi likaNkulunkulu.

“Siyanicela bantu beZanu. Thina esingabantu beZanu ngoba iZanu sayibona kudala ukuthi beyingelaplan yokuqhubeka lapho abagcine khona ngeliberation struggle. Yebo bayilwile kodwa bahlulekile from the time bethatha ilizwe. Siyalicela bantu bakithi ukuthi kahleni. SingamaZimbabweans sonke kodwa wonke umuntu uyasufferer except a few individulas laba abaphezulu.”

Kusenjalo umgcinisihlalo webandla leZanu PF kweleSouth Africa umnumnzana Kennedy Mandaza uthi ukutshengisela lokhu okwenziwe yizizalwane zeZimbabwe kweleSouth Africa abavumelani lakho ikakhulu ngesikhathi impilo zabantu zisengozini yokuthelelana igciwane lecoronavirus.

“Labo abafuna inkohlakalo iphele abeze lobufakazi ukuze amasela abotshwe hatshi ukutshengisela.”

Umnumnzana Mandaza uthi kabavumelani futhi lenkuthazo yokuthi umongameli Emmerson Mnangagwa ehle esihlalweni ngoba wakhethwa ngokusemthethweni kanti futhi bake bazama abanye ukuphikisa lokho umthethwandaba wabachitha.

Udaba lokutshengisela eSouth Africa siluphiwa nguBenedict Nhlapho
please wait

No media source currently available

0:00 0:02:47 0:00

Facebook Forum

XS
SM
MD
LG