amalinks wokungena

Breaking News

AbeZimbabwe Lawyers for Human Rights Balobela iZEC Becela iVoters Roll


Zimbabwe Electoral Commission

Inhlanganiso yeZimbabwe Lawyers for Human Rights ithi isilobele iZimbabwe Electoral Commission (ZEC) icela ukuthi iyiphe uluhlu lwabantu abalelungelo lokuvota, olwe-voters roll, ukuze ilucubungule.

Amagqwetha la athi athethe lelinyathelo emele inhlanganiso ekhuthaza abantu ukuthi babhilisele ukuvota ngobunengi kukhetho oluzayo, iProjectVote263.

Lokhu kuza ngemva kokuba iZEC yazise ukuthi ibhalise abantu abazinkulungwane phose ezintathu, 2,971, kuphela elizweni lonke kumnyaka osanda kwedlula.

Kodwa inhlanganiso yeProjectVote263 ithi ilobufakazi babantu abangena phose kunkulungwane ezilitshumi, 9,635, ebancedise ukuyabhalisa.

Ukwehlukana kwamanani la yikho osokudale inkulumo abanye besithi iZEC ingaba isiqalisile ukuqoqa ukuncedisa ibandla leZanu PF ukuqilibezela kukhetho luka2023.

Kodwa abekhomishini le labeZanu PF bayakulandula lokhu.

Usikomitshi weZEC, uNkosikazi Joyce Kazembe, utshele iphephandaba leHerald ukuthi bonke abantu abakuluhlu lokuvota sikhuluma nje bedlula kancane izigidi ezinhlanu, 5, 647,000.

Isikhulumeli somanyano weEkhayaVote2023, uMnu Nkosikhona Dibiti utshele iStudio 7 ukuthi liyancomeka inyathelo eselithethwe yiZimbabwe Lawyers for Human Rights.

please wait

No media source currently available

0:00 0:03:55 0:00

Asenelisanga ukukhuluma labeZEC ngaloludaba.

Facebook Forum

XS
SM
MD
LG