Abongi labongikazi bakhangelelwe ukufaka phansi izikhali zabo ngoMvulo bakhalala ngoba besithi bathola iholo abathi lincane kakhulu.
Lokhu kulandela ukuphela kwamalanga alitshumi lanye awokwazisa ukuba nxa izikhalazo zingahluzwanga kuyiwa ku strike esedlule.
Abongi bathola iholo eliqala kumadola angamakhulu amahlanu.
Abamela linhlanganiso, eye Zimbabwe Nurses’ Association, kumbe ZINA bathi bebelomhlangano lomphathintambo wezempilakahle, uDokotela David Parirenyatwa, iziphathamandla zogatsha lwemali, induna uCharumbira kunye labafundisi.
Ngemva komhlangano lo ophele phakathi kwamabili kunyelwane ukuthi aama nurse azaphiwa umthelo wokusebenza ebusuku kume ingiht duty allowance eqal kumadolo angamakhulu amabili isiya kumakhulu amathathu.
Abongi abasebenzela emaphandleni bazaphiwa imali yokusebenzela phandle kwekhaya.
Abamela abongi laba bathi namuhla yikho okuzaziswa khona ukuthi bazaphiwa njani imali le.
Kodwa bathi bathenjisiwe ukuthi kusiyafika ngoLwesine loludaba luyabe seliphanyekiwe sokungumsebenzi njengenjwayelo.
Ukuhlaziya loludaba sixoxe lengcwethi kwezezisebenzi, uMnu. Ambrose Sibindi oyisiphathamandla njalo senhlanganiso yezakhamizi, eye Bulawayo Progressive Residents’ Association.
“Esingakutsho yikuthi silohulumende ongaqakathekisi izifiso zabantu … njalo udaba lama nurse labo dokotela selulesikhathi eside kukhulunywa ngalo kodwa lungalungisiswa. Ungakhangela akwenzileyo ukungezelela odokotela imali yikwehlukanisa abantu esithi laba bangcono kulalaba,” kutsho uSibindi.
