amalinks wokungena

Abongi Labongikazi Bakhalala Umsebenzi eZimbabwe

  • Chris Gande

Esibhedlela

Abongi labongikazi sebekhalale umsebenzi besithi bafuna imali ye-bhonasi abangiyiphiwanga nyakenye.

Izibhedlela ezikhulu zikahulumende koBulawayo lase Harare ngoLwesibili bezilendawo ezivaliweyo kulandela ukukhalala umsebenzi lokhu.

UMnu. Enock Dongo, isiphathamandla senhlanganiso yabongi labongikazi, utshele iStudio 7 ukuthi ukukhalala umsebenzi lokhu akulani lokwenziwa ngamadokotela akhalala umsebenzi ngeviki ephelileyo.

Uthe bona bajonge ukuthi uhulumende abaphe imali yebhonasi abangayiphiwanga nyakenye.

Odokotela bona balezikhalazo ezimbalwa ezigoqela ukungezelelwa imali yama allowance, ukuvunyelwa ukuthenga impahla pandle kwelizwe kungelamthelo lokunye lokunye okutshiyeneyo.

Kunjalo nje, umnotho welizwe ukhangelelwe ukutshaywa amadolo yikukhalala umsebenzi osekusenzakala kulezi insuku.

Ilizwe lilakho ukulahlekelwa yimali enengi kakhulu ngelanga nxa izisbenzi zingakhalala umsebenzi.

Ukuhlaziya loludaba sixoxe lesiphathamandla senhlanganiso yababalisi eyeProgressive Teachers’ Union of Zimbabwe, uMnu. Vusumuzi Mahlangu.

"Kuyasiphazamizi lokho kakhulu kudala ukuthi sibe lokufuthelana lokhu okuthiwa yi-stress. Yebo kambe singakukhangela ukuthi lokhu kuzadala umonakalo kumnotho welizwe kodwa imuli zethu ke zidleni," kutsho uMahlangu.

Facebook Forum

XS
SM
MD
LG