Ingcwethi ezicubungula ezombusazwe zithi imali eyibhiliyoni eyodwa lengxenye yalo, I $1, 5 billion eleZimbabwe eliyibolekwe yibhanga ye African Export-Import Bank ingathuthukisa umnotho welizwe nxa isetshenziswe kuhle.
Imali le ikhangelelwe ukuqeda indwendwe emabhanga, ukuhugela osomabhizimusi kweleZimbabwe, ukuvuselela amafekithali, kanye lokuthi labo abatshale imali ngamadola eMelika bayithole ilokhu iluhlobo olufanayo.
Ukuhlaziya loludaba, sixoxe loMnu. Bernard Bhekilizwe Ndlovu, ingcwethi ecubungula ezomnotho welizwe.
UMnu. Ndlovu uthi kusobala ukuthi umongameli Mnangagwa uzasebenzisa kuhle imali ukwenzela ukuthi abantu bemvotele ngokhetho lomnyaka ka 2018.
Uthi uMnangagwa enganqoba kukhetho kasoze azihluphe ngokuthuthukisa umnotho welizwe njengalokhu obekuvele kusenziwa libandla lakhe leZANU PF eminyakeni edluleyo. Ugcizelele wathi: “Ubabhemi angaze umgqokise isudu, engabona umlotha uyahamba ayegiqika kuwo,”
