amalinks wokungena

Breaking News

Sezizaqalisa Ukuphapha Indizamtshina zeAir Zimbabwe


Air Zimbabwe
Inkampani ye Air Zimbabwe ithi indizamtshina zayo zikhangelelwe ukuqalisa ukuphapha kusukela ngenyanga ezayo.

Umnu. Innocent Mavhunga osaphethe isikhundla somqondisi we Air Zimbabwe utshele IStudio 7 ukuthi lokhu kuzakwenzakala loba inkampani le ilokhe ibhekane lobunzima bokusilela kwemali.

Walile ukukhuluma ngokunengi ngalokhu esithi usemhlanganweni labanye bakhe.

Indizamtshina lezi zibikwa zizaqalisa ukuphapha phakathi kwelizwe mhlaka 4 ngoLwezi zisiya eVictoria Falls, koBulawayo le Harare.

Zikhangelelwe ukuqalisa njalo ukuya eJohannesburg kwele South Africa ngeviki elandelayo lapho ezizaba lenhambo ezine ngeviki.

Indizamtshina lezi zacina ukuphapha nyakenye ngenxa yokwehluleka ukuhlawulela isikwelede esedlula izigidi ezilikhulu zamadollar - $100 million.

Amankampani afuna ukubhadalwa izikwelede ayesezibamba indizamtshina eBhilithane le South Africa esenzela ukuthola imali yawo.

Umnu. Ken Conor wenkampani ye American General Supplies eyayifuna ukubhadalwa isikwelede esedlula isigidi samadollar - $1.5 million – uthi sebezaqalisa ukusebenzelana le Air Zimbabwe njengoba seyabhadala sonke isikwelede lesi.

Umnu. Walter Mbongolwane ingcwethi kwezenotho uthi kuyamangalisa okwenziwa yi Air Zimbabwe ecatshangelwa ukuthi kayilamali.
please wait

No media source currently available

0:00 0:01:58 0:00
Lapho esitholakala khona
XS
SM
MD
LG