Inkampani ye Air Zimbabwe ithi isimile ukuphaphisa indizamtshina zayo kwele eBhilithane ngenxa yokuthi kayiselamali yokusebenzela kulelo lizwe.
Umgcinisihlalo we Air Zimbabwe uMnu. Jonathan Kadzura utshele iStudio 7 ngoMvulo ukuthi okwamanje indizamtshina zenkampani le zizabe ziphaphela emazweni anjenge China, eDemocratic Republic of Ccongo, eZambia kanye lendaweni ezitshiyeneyo kwele Zimbabwe.
Kazange atsho ukuthi izisebenzi ekade ezise Bhilithane zizakuyangaphi.
Indizamtshina ze Air Zimbabwe lokhe zimisiwe ukuphaphela kwele South Africa ngenxa yokwesabela ukuthi eyinye yazo ingabanjelwa isikwelede senkulungwane ezingamakhulu amahlanu zamadolllar yinkampani ye Bid Air Services.
Inkampani ye American General Supplies ike yabamba indizamtshina ye Air Zimbabwe kweleBhilithane kumaviki asanda kwedlula yayikhulula sokubhadalwe isikwelede esedlula isigidi samadollar.
Ingcwethi kwezombusazwe uMnu. Roderick Fayayo uthi okwenziwa yi Air Zimbabwe kuyangisa uzulu lelizwe.
