amalinks wokungena

Breaking News

Akubotshwe Iziphathamandla Zikahulumende Ezatshontsha Imali Yokuthuthukisa Izabelo: Tsvangirai


Inhloko kahulumende uMnu. Morgan Tsvangirai uthi selidumela emansumpeni ukuthi kubotshwe iziphathamandla zikahulumende ezicatshangelwa ukuthi zatshontsha imali yokuthuthukisa izabelo eye constituency development fund.

Umnu. Tsvangirai utshele izakhamizi zelokitshi le Glen View eHarare lapho akade encoma khona inhlelo ezenziwa kuleyo ndawo ngemali yezabelo ukuthi kumele iAnti-Corruption Commission yenze umsebenzi wayo ingaphamnjaniswa lugatsha lukahulumende olubona ngokuthethwa kwamacala olwe Attorney General’s Office.

Iwofiwisi yegqwetha elikhulu likahulumende ekaAttorney General isanda kwethula umbiko wokuthi kumele kumiswe ukubotshwa kwamalunga edale lephalamende acatshangelwa ukuthi atshontsha imali yezabelo kuze kuhlolisiswe ukuthi imali le yasetshenziswa njani ezabelweni zonke.

Amalunga edale lephalamende amane asanda kubotshelwa imali le.

Igqwetha elikhuli lelizwe uMnu Johannes Tomana ulahle amacala etheswa amanye amalunga la esithi kawephulanga imithetho yelizwe.

Iziphathamandla lezi zicatshangelwa ukuthi zatshontsha inkulungwane ezingamatshumi amahlanu amadollar-$50,000 ezaiyinikiwe munye ngamunye ukuthi zithuthukise izabelo azimelayo edale lephalamende.

Umnu. Sternford Chirindo umgcinisihlalo wenhlanganiso ye Anti-Corruption Commission walile ukuqamba amagama eziphathamandla zikahulumende uMnu. Tsvangirai othi zilakho ukubotshwa ngokungasebenzisi kahle imali yezabelo.

Umnu. Clement Moyo ingcwethi kwezombusazwe lamalungelo oluntu uthi uTsvangirai ukhuluma okufunwa nguzulu njengoba imali yezabelo kwakumele incede abantu makhaza.

XS
SM
MD
LG