Ikomidi yedale lephalamende ebona ngezemigodi ithi kumele uhulumende aqhatshe abantu ababili abazimeleyo abazintshantshu ekwenjiweni kwedayimani abazakhangela ngokwenjiwa kwelitshe leli eZimbabwe.
Ikomidi le ithi ingcitshi lezi zizakwenza ukuthi ilizwe liphumelele ekwembeni idayimani. Umphathintambo wezemali uMnu Tendai Biti ubekhuthaze kubidget kakhe yomnyaka ozayo ayethule ngeviki edluleyo ukuthi kuqhatshwe ingcitshi eyodwa ezabona ngokwenjiwa kwedayimana ikakhulu eMarange.
Kodwa likomidi yephalamende le ithi kufuneka ingcitshi ezimbili ezizakwenza umsebenzi zincedissna kwenqatshelwe ukuntshotshwa kwedayimana yizimbamgodi, iziphathamandla kwezombusazwe kanye labantu makhaza.
UMnu Buletsi Nyathi okukomidi ye National Youth Mining Council of Zimbabwe utshele uGibbs Dube weStudio 7 ukuthi ukuqhatshwa kwentshantshu lezi, kuzaletha inotho kulabo abemba amadayimani.
