amalinks wokungena

Breaking News

Akuhlolisiwe Umbhuqazwe weGukurahundi eZimbabwe Ukuze Kukhumiswane Umlotha: Pillay


Unkosikazi Navy Pillay usikomitshi wenhlanganiso yamazwe womhlaba iUnited Nations obona ngezelungelo loluntu uqhibe uhambo lwakhe kwele Zimbabwe ngoLwesihlanu ngenkuthazo ethi kumele kujeziswe bonke abantu abakhahlameza uzulu kusukela ilizwe lithola uzibuse.

Unkosikazi Pillay uthe kumele kubunjwe ikhomishini yokukhumisana umlotha elakho ukududuza ababulawelwa izihlobo libutho likahulumende kumbhuqazwe we Gukurahundi kwele MaNdebeleni le Nkabazwe.

Uphinde wathi iZimbabwe akumelanga yenze ukhetho ngesiphangiphangi njengoba kusese lokunengi okumele kulungiswe nguhulumende womanyano.

Unkosikazi Pillay ukhangelelwe ukuthi alobe ugwalo olujulileyo ngomumo wezokunanza amalungelo oluntu eZimbabwe oluzahlolisiswa yi United Nations lungakaphiwa uhulumende we Zimbabwe.

Ibandla le Zanu PF lithi uhambo luka Nkosikazi Pillay lutshengisa ukuthi inhlanganiso ye United Nations isifuna ukuthi kube lamasotsha amazwe omhlaba kwele Zimbabwe.

Kodwa-ke ingcwethi kwezombusazwe uMnu. Dumisani Nkomo we Harbakuk Trust uthi izikhulumeli zebandla le Zanu PF zisenga ezimithiyo.

XS
SM
MD
LG