amalinks wokungena

Breaking News

Akulamankampani Azavalwa Ngokungalandeli Uhlelo Lokwabela Uzulu Amashares


Iziphathamandla zikahulumende ezintathu zithi akulankampani azavalwa eZimbabwe ngenxa yokungavezeli uhulumende indlela azakwabela ngayo uzulu amashares kuhlelo lwe indigenization.

Umphathintambo wezamafekithali uMnu. Welshman Ncube, umphathintambo wezemigodi uMnu. Obert Mpofu lomsekeli womphathintambo wezokuthuthukisa inotho kazulu uMnu. Tongai Matutu bathi kungeke kwenzakala ukuthi amankampani emazweni avalwe ngokungalandeli okwamanje uhlelo lolu.

Bathi loba uhulumende elakho ukulandela isikhathi esithize sokuthi amankampani la aqalise ukuveza indlela azakwabela ngayo amashares, akumelanga ahlukuluzwe.

UNcube uthi idale le cabinet lisanda kuvuma isilinganiso samashares azakwabelwa uzulu ngamafekithali lamabhanga loba lokhu kungakabi ngumthetho.

Uthi umthetho kawuvumeli muntu ukuthi avale amafekithali lamanye amabhizimusi abantu be Zimbabwe labemazweni.

Umphathintambo wezemigodi uMnu. Mpofu uthi ugatsha lwakhe kalukezwa ukuthi kulamankampani angafuniyo ukulandela uhlelo lwe indigenization.

XS
SM
MD
LG