Amabandla abumba uhulumende womanyana eZimbabwe kawavumelani ukuthi kusetshenziswe imali etholakala ekwenjiweni kwamadayimana eMarange ukuthi kukhuphulwe iholo lezisebenzi zikahulumende ezilungiselela ukukhalala umsebenzi ngoLwesine.
Amabandla womabili eMovement for Democratic Change (MDC) athi kumele imali etholakala eMarange engakhanyiyo ukuthi iyangaphi isetshenziswe ukukhuphula iholo lesisebenzi ezicaphulwe yikuthi uhulumende kazinanzi.
Ibandla le Zanu-PF lona lithi kungeke kwenzakala lonyaka ukuthi inzuzo yomsebenzi wamadayimana isetshenziswe ukukhuphula iholo lezisebenzi zikahulumende ngoba isetshenziswa enhlelweni ezitshiyeneyo.
Uhulumende nyakenye usebenzise imali yamadayimana ukukhuphula iholo lezisebenzi.
Unkosazana Thabitha Kkhumalo umsekeli wesikhulumeli sebandla le MDC elikhokhelwa nguMnu. Morgan Tsvangirai uthi inengi okwamagama imali etholakala kumadayimana eMarange loba nje uhulumende ezuza ingcosana yokwenza inhlelo zikazulu.
Izisebenzi zikahulumende zifuna ukuthi isisebenzi esihola imali ephansi sithole amakhulu edlula amahlanu amadollar eMelika ngenyanga.
Kodwa-ke uMnu. Rugare Gumbo oyisikhulumeli sebandla le Zanu-PF uthi akumelanga eyinye imali yama dayimana isetshenziswe ukukhuphula iholo lezisebenzi zikahulumende lonyaka.
