amalinks wokungena

Breaking News

Akumelanga Izisebenzi Zikahulumende Zikhuphulelwe Iholo - IMF


Inhlanganiso eboleka imali amazwe womhlaba eye International Monetary Fund (IMF) ithi ele Zimbabwe kalenelisi ukukhuphula iholo lezisebenzi njengoba umnotho ungathuthuki kangako.

Umbiko owethulwe yi IMF ngoLwesine eHarare uthi nxa uhulumende engakhuphula iholo lezisebenzi kulandelwa isithembiso sikaMongameli Robert Mugabe lokukhuphula iholo ngoNhlangula, kuzabisela muva intuthuko yamafekithali, amabhanga kanye lokuthengiselana lamanye amazwe.

Inhlanganiso le ithi ele Zimbabwe kumele likhangelane lenhlelo ezizavimba ukuthi kungabi lokuqansa kweInflation ukwenzela ukuthi lenelise ukubhadala iholo elitholwa yizisebenzi elingakhuphulwa-ke ngomnyaka ka 2012.

Ithi yethule lumbiko ngesikhathi abanye ababalisi abakunhlanganiso ye Progressive Teachers Union of Zimbabwe bekhalale imsebenzi ngenxa yokungatholi iholo elathenjiswa nguMongameli Mugabe.

Umqondisi we Zimbabwe Teachers Association uMnu. Sifiso Ndlovu uthi lokhu okukhulunywa yi IMF lihaba nje.

XS
SM
MD
LG