amalinks wokungena

Breaking News

Akumelanga Kube Lokhetho eZimbabwe Ngomnyaka Ozayo - EMCOZ


Inhlanganiso yabo somabhizimusi iEmployment Confederation of Zimbabwe (EMCOZ) ithi akumelanga kwenziwe ukhetho lokudinga umongameli lamalunga edale lephalamende ngomnyaka ozayo.

Umgcinisihlalo we EMCOZ, uMnu. David Govere, ubikwa etshele umsekeli wenhloko kahulumende uNkosazana Thokozani Khuphe ukuthi ukuvuselela inotho yelizwe kungahle kume mpo, nxa kungenziwa ukhetho ngendlela efunwa yinhloko kahulumende uMnumzana Morgan Tsvangirai lo Mongameli Robert Mugabe.

Inhlanganiso le ithi ukhetho kumele lwenziwe uhulumende womanyano esenelise iminyaka emihlanu.
Ingcwethi kwezenotho kazivumelani lombono we EMCOZ. Zithi kumele kwenziwe ukhetho ngesiphangiphangi ukwenzela ukulungisa imithetho yokuthuthukisa inotho.

Kodwa eyinye ingcwethi kwezenotho uMnu. Rejoice Ngwenya utshele uGibbs Dube we Studio 7 ukuthi ukhetho luzabisela emuva ukuvuselela inotho yelizwe.

‚Äč
XS
SM
MD
LG