amalinks wokungena

Breaking News

Akusetshenziswe Imali ye Goli eZimbabwe - International Monetary Fund


Inhlanganiso ephathisa amazwe womhlaba ngemali eye International Monetary Fund (IMF) ithi ilizwe le Zimbabwe lilakho ukusebenzisa iRand le South Africa nxa lingasafuni ukusebenzisa imali ezitshiyeneyo.

Umbiko osanda kwethulwa yinhlanganiso le uthi iRand lingasetshenziswa kanye kanye le dollar ye Zimbabwe eyabe ilondwa ukwenzela ukuthi ingawi isindo sayo ngokuqonga kwentengo yezinto. Umbiko lo uthi iZimbabwe ingasebenzisa njalo idollar le Melika kodwa ilakho ukubhekana lodubo lokuthola imali encane.

Ngakho-ke linhlanganiso ithi kungcono ukuthi ilizwe leli lingene kulokhu okuthiwa yi Common Monetary Area okulamazwe anjenge South Africa, Swaziland, Lesotho le Namibia asebenzisa iRand.

Umnu. Bekithemba Mhlanga ingcwethi ecubungula ezenotho lezombusazwe utshele uGibbs Dube we Studio 7 ukuthi loba nje kungafakwa imali enjenge Rand kumbe idollar le Melika eZimbabwe, kumele uzulu akhohlwe ngokuba lemali yelizwe engasebenza yodwa.

XS
SM
MD
LG