amalinks wokungena

Breaking News

'Akusoze Kubelenguquko Kwezomnotho eZimbabwe Ngomnyaka ka2019'


Badinga amafutha ezimota ...

Kulabanye abantu eZimbabwe abathi isimo somnotho sizaqhubekela phambili sisiba sibi ngomnyaka ozayo kubekhona abathi uhulumende kaMongameli Emmerson Mnangagwa uzakwethula inhlelo ezizaguqula umnotho.

Banengi abantu abathi ukusetshenziswa kwama bond notes asegugudeke okumangalisayo nxa kuqathaniswa lesisindo sedola leMelika kuzakwenza umnotho ubhidlike ngamandla. Bathi ukuthengwa lokuthengiswa kwedola leMelika emkambo wensitha kwenza ukuthi umnotho ungasebenzi ngemfanelo.

Abakhulume lomsakazo weStudio 7 eHarare ngeSonto bagoqela uMnu. Mlindelwa Mancitshana othi kaboni ukuthi kuzaba lenguquko kwezomnotho ngomnyaka ozayo.

“Nxa sikhangele abadala beZANU siyabona ukuthi akulanto abazayenza ngaphandle kobundwangu esibona busenziwa nguChiwenga, ukuxotsha uDokothela ukwethusela ababalisi. Lokhu kutshengisela ukuthi umbuso wabo ngowocuku ngowukuncindezela. Labo abangaletha imali elizweni nxa bekubona lokhu bahle bamangale ukuthi kuyini okungenza lokhu kwehluleke ukwenzeka lokabo? Ngangokho-ke ku2019 asibopheni amabanti kakhulu ngoba kukhulu okuzayo”

Lokhu kusekelwe nguNkosikazi Nomathemba Ngwenya othi abazali abanengi kabasoze benelise ukuhlawulela abantwana imali yemfundo ngenxa yesimo esibi somnotho welizwe.

“Umumolo okhona eZimbabwe angiboni ukuthi uzaguquka ngoba izinto zinzima kunje bengifuna umuthi womntwana umuthi wokukhwehlela kwathiwa $4USD, $16 ama bond. Okokuthi u2019 nxa efika kuzakuba nzima ema boarding schools asefuna ama $3,000 bond, abantwana bazatshiya izikolo. Ifuel akula abantu bazaguqa ngamadolo.”

Kodwa uMnu. Munashe Mtutsa, owebandla le ZANU PF njalo okukhomithi emela lelibandla kwabatsha koBulawayo, uthi uMongameli Mnangagwa uzaguqula isimo somnotho.

Ingcwethi kwezenotho, uMnu. Itai Chuma, uthi kumele kukhitshwe imali yohlobo lwama bond notes ukuze kulungiswe udubo lokuswelakala kwemali.

Okwamanje odokotela bakhalale umsebenzi kuthi ababalisi bafuna ukuholiswa ngamadola eMelika. Akuqedakali okwenzakala eZimbabwe ngesikhathi kulohulumende owathathela umbuso uMnu. Robert Mugabe owabusa ilizwe okwesikhathi eside.

Kambe Umnotho Welizwe leZimbabwe Uzaguquka Na Ngomnyaka Ozayo?
please wait

No media source currently available

0:00 0:04:02 0:00

Facebook Forum

XS
SM
MD
LG