amalinks wokungena

Breaking News

'Akuvalwe Amawofisi Kahulumende Asemazweni Angalethi Inzuzo eZimbabwe'


Umnu. Moses Mzila umsekeli womphathintambo wogatsha olubona ngezokudlelana lamanye amazwe uthi kumele kuvalwe izigodlo zabameli beZimbabwe kwamanye amazwe ukwenzela ukuthi kubhadalwe izikwelede zawo kanye labantu abasebenza khona asebeleminyaka ethize bengatholi iholo.

Umnu. Mzila uthi izigidi ezine zamadollar eMelika etholwa yilolugatsha lukahulumende ngenyanga evela kuhulumende ayeneli ukuthi ivale izikwelede zamawofisi la ezadalwa libandla le Zanu PF lisabusa lilodwa.

Izikwelede lezi ezigoqela inhlawulo yamawofisi, iholo lezisebenzi kanye lemali yemfundo lempilakahle yezisebenzi inakanelwa ukuba ingafika izigidi engingamatshumi amathathu zamadollar eMelika.

U Mzila utshele uGibbs Dube we Studio 7 ukuthi kumele avalwe amanye amawofisi la njengoba kusehlula ukuthi ilizwe linanze izisebenzi ezisemazweni njalo libhadale imali efunekayo kulawo mazwe.

‚Äč
XS
SM
MD
LG