Umnumzana Saviour Kasukuwere, umphathintambo wogatsha luka hulumende lwabatsha lokuthuthukisa inotho yabansundu, uthi kungcono ukuthi amankampani ezemigodi awemazweni ase Zimbabwe avalwe kulokuthi anike abantu makhaza amashares angaphansi kwesilinganiso sokulitshumi ekhulwini (10 percent).
Umnu. Kasukuwere osanda kwethekelela inkampani ye Zimbabwe Platinum Mines ese Chegutu, Mashonaland West Province, uthi amashares inkampani le efuna ukuwanika abantu makhaza atshengisela ukuthi abaqondisi bayo badlala amadlwane lohulumende.
Abakwaziyo ngokwenzakalayo bathi uMnu. Kasukuwere uzondiswe yikuthi amankampani wonke angaphansi kwenhlanganiso yeZimbabwe Chamber of Mines afuna ukunika abansundu amashares afana lalawo iZimbabwe Platinum Mines efuna ukuwanika uzulu kuhlelo lwe indigenization.
Umnu. Rejoice Ngwenya ingcwethi ecubungula ezenotho utshele uGibbs Dube we Studio 7 ukuthi ukubhavuka kuka Kasukuwere kuzaletha ukuhlupheka ezweni.
Akuvalwe Imigodi Nxa Amankampani Engafuni Ukupha Uzulu Amashares Athe Xaxa - Kasukuwere
- Gibbs Dube
