amalinks wokungena

Breaking News

Inengi Lithi Umnotho Welizwe Ulokhu Ubhidlika


Imali iyasilela kwele Zimbabwe

UMnu. Albert Mhlanga ongusomabhizimusi uthi akulampawu ezikhomba ukuthi kulenguquko ngoba imali ilokhu isilela njalo lentengo yempahla isiqonge okwedlula lapho kubusa uMnu. Mugabe.

Lanxa uMongameli Emmerson Mnangagwa esithi sokulenguquko kusimo somnotho welizwe selokhu wathatha intambo zombuso kowayengumongameli uMnu. Robert Mugabe kunsuku esezizafika ikhulu (100 days), inengi liyakuphika lokhu lisithi impilo ayikaguquki.

UMnu. Albert Mhlanga ongusomabhizimusi uthi akulampawu ezikhomba ukuthi kulenguquko ngoba imali ilokhu isilela njalo lentengo yempahla isiqonge okwedlula lapho kubusa uMnu. Mugabe.

UMnu. Mhlanga uthi okuncomekayo ngoMnu. Mnangagwa yikuthi ukhuthaza osomabhizimusi ukuthi bezosungula umsebenzi elizweni, lanxa kuyikukhuluma nje.

Isiphathamandla senhlanganiso elwela amalungelo abathengisa ezitaladini i-Bulawayo Upcoming Traders’ Association, uMnumzana Dumisani Ncube, uthi ukusilela kwemali elizweni kulokhu kuphazamisa umsebenzi wabo.

UMnu. Pride Mukono, isiphathamandla senhlanganiso yeRural Teachers Union of Zimbabwe, uthi inengi labasebenzayo, ikakhulu emaphandleni, liphila impilo yobuyanga.

UMongameli Mnangagwa ngoLwesibili ufike kwele Democratic Republic of Congo lapho akhulumisana khona lenkokheli yalelolizwe, ekuqhubekeni kwenhlelo zakhe zokwethekelela amazwe akuzwekazi leAfrica, lanxa inengi lisithi lokhu akuphathisi ekuthuthukiseni umnotho welizwe.

Ukulalela Loludaba
please wait
Embed

No media source currently available

0:00 0:03:42 0:00

Facebook Forum

XS
SM
MD
LG