amalinks wokungena

Abaphila Belejwabu Lombala Omhlophe Bathi Bathwele Nzima eZimbabwe


UNkosikazi Lynnette Ndlovu.

Inengi labaphila belejwabu elilombala ongaphelelanga (albinism), ikakhulu eZimbabwe, babhekane lokungatholi amafutha okuvikela ijwabu labo kanye lamehlo njengoba bengenelisi ukumelana lesigudumezo selanga.

UNkosikazi Mercy Maunganidze Chimanga, umqondisi wenhlanganiso yabaphila lales’isimo, eye Zimbabwe Albino Association, njalo engomunye wabaphila belejwabu elilombala ongaphelelanga, uthi bayaphambaniseka amehlo lejwabu nxa bengatholanga amafutha afaneleyo.

UNkz. Lynnette Ndlovu
UNkz. Lynnette Ndlovu

UChimanga uthe ukusilela kwamafutha okuvikela ijwabu labo awama sunscreens kubadalela eminye imikhuhlane efana lemvukuzane yejwabu.

Loba kunjalo immuli ezinengi ziyabathakazelela abantu abalombala lo.

Omunye njalo wabalombala omhlophe, uNkosazana Lynette Ndlovu, uthe, “Ngisakhula umdeni wami wangithakazelela ngesimo sami njengomuntu ophila lejwabu elilombala ongaphelelanga, kodwa umphakathi ungiphathe ngendlela etshiyeneyo … Babenginikeza amabizo ayangangifanelanga.”

UMaNdlovu uphinde wathi abanye abafana laye batshiya isikolo ngenxa yokubandlululwa.

UMaNdlovu lo Nkosikazi Chimanga bagcizelele besithi ukuba ngumuntu ofundileyo kuyanceda kakhulu ukuthuthukisa impilo yabantu abakusimo se-albinism.

Facebook Forum

XS
SM
MD
LG