amalinks wokungena

Biti:Ama CIO Lebandla le Zanu PF Baphehla Indubo Zezisebenzi Zikahulumende

  • Gibbs Dube

Umphathintambo wezemali uMnu. Tendai Biti uthi ukutshengisela okuzakwenziwa ngolweSibili yizisebenzi zikahulumende ezitaladini ze Harare kuphehlwe ngamapholisa ensitha awe Central Intelligence Organization (CIO) lebandla le Zanu PF.

UBiti uthi akumangalisi ukuthi amapholisa asenike izisebenzi lezi imvumo yokutshengisela phandle kwamawofisi akhe njalo lezitaladini.

Uthi lokhu kwenziwa ngenhloso yokuthi abonwe njengomuntu owehluleka ukunanza izikhalazo zezisebenzi zikahulumende.

Uphinde wathi kusobala ukuthi wehlise isilinganiso semali okumele isetshenziswe nguhulumende lonyaka ngenxa yokungatholi imali yamadayimana embiwa eMarange.

Uthi kungcono ukuthi izisebenzi lezi ziyetshengisela emigodini ye Marange lapho okutshontshwa khona amadayimana.

Izisebenzi lezi zithethe isinqumo sokutshengisela ezitaladini ngeviki ephelileyo.

Zifuna ukuthi isisebenzi esihola imali ephansi siphiwe amakhulu edlula amahlanu amadollar -$564 ngenyanga.

Umnu. Richard Gundani unobhala jikelele wenhlanganiso ye Zimbabwe Teachers Association uthe okwenziwa yizisebenzi ayisikho kusola uMnu. Biti.

XS
SM
MD
LG