Amabandla akuhulumende womanyano eZimbabwe aseqhatshe amagqwetha ukuthi ahlolisise isisekelo sombuso esitsha esilotshwe yikhomithi yedale lephalamende ukuthi silembono kazulu eyathatshwa kuqaliswa ukusiloba.
Ibandla le Movement for Democratic Change elikhokhelwa nguMnu. Morgan Tsvangirai libikwa liqhatshe uMnu. Shephered Mushonga loMnu. Innocent Gonese.
Elikhokhelwa nguMnu. Welshman Ncube lidinge uMnu. Josphat Tshuma kwathi-ke ele Zanu-PF laqhatsha uMnu. Fredy Gijima.
Unkosazana Thabitha Khumalo umsekeli wesikhulumeli seMDC ekhokhelwa nguTsvangirai uthi ukuhlolisisa isisekelo lesi kwenzelwa ukuthi kungabi lokuthandabuza ngokuthi silotshwe kulandelwa imbono kazulu. Akwaziwa ukuthi amagqwetha lawa azaqeda nini ukuhlolisisa isisekelo lesi.
Amabandla Abusayo Aqhatsha Amagqwetha Ukuthi Ahlolisise Isisekelo Esitsha Sombuso Welizwe Esilotshwa yiCOPAC
- Gibbs Dube
