amalinks wokungena

Breaking News

Amabandla Aphikisayo Aphikisana Ngohlelo Lokuvota Olutsha Olwe Biometrics


Ukuvota ngendlela yakudala
Ukuvota ngendlela yakudala

Amanye amabandla aphikisayo asefunge agomela ukuthi kawasoze angene kukhetho nxa kungasoze kusetshenziswe imitshina yokuvota kusetshenziswa inhlamvu zeminwe eye biometric voting.

Ugatsha lwezokhetho olwe Zimbabwe Electoral Commission luthi akusoze kusetshenziswe imitshina le ukuvota kodwa izasetshenziswa ukubuthanisa amagama abalelungelo lokuvota kuphela.

Ibandla le MDC-T lithi kumele nxa imitshina ingathengwa isetshenziswe lokuvotisa hatshi ukuloba uluhlu lwabazavotayo kuphela.

Kodwa amanye amabandla afana lele Zimbabwe People First, lona elingela mkhokheli okwamanje, lele Renewal Democrats of Zimbabwe athi kawasekeli ukusetshenziswa kohlelo olutsha ngoba luzasetshenziswa ukuqilibezela.

Ukuhlaziya loludaba sixoxe loMnu. Edwin Ndlovu, isiphathamandla sebandla le People’s Democratic Party, endawonye lesikhulumeli sebandla le National People’s Party, uMnu. Methuseli Moyo.

UMoyo uthe: "Nxa kuluhlelo oluhlelekileyo kungela muntu ofuna ukuqilibezela abanye luhlelo oluhle kakhulu. Kodwa abantu abaphethe uhlelo yibo esingabathembiyo ngoba njengoba kuluhlelo olutsha bengafuna ukuthi bahle bathathe ithuba lokuqilibezela.

UNdlovu laye uvumelana loMoyo esithi okuqakathekileyo yikuthi ngubani ozaqhuba loluhlelo.

"Ukuthi ibandla leZanu PF likhokhele loluhlelo kufana lokuthi uthathe isilwane uthi siye yelusa inkomo kumbe imbuzi," kutsho uNdlovu.

please wait

No media source currently available

0:00 0:05:15 0:00
Lapho esitholakala khona

XS
SM
MD
LG