amalinks wokungena

Breaking News

Amabandla Enkonzo eSouth Africa Aqoqela Ukudla Abamhlophe Abathathelwa Amaphulazi


Abamhlophe abalikhulu abathathelwa amapulazi nguhulumende webandla le ZANU PF babikwa sebedubeka okwamagama osokwenze ukuthi amabandla enkonzo amanengi eSouth Africa abadingele ukudla.

Okhangelane lenhlalakahle yabamhlophe ekunhlanganiso ye Commercial Farmers Union uMnu. Ben Gilpin uthi abadubeka kakhulu yilabo esebeleminyaka edlula engamatshumi ayisithupha yokuzalwa.

UGilpin uthi abamhlophe laba kabazuzi ipentsheni evela kuhulumende we Zimbabwe losizo lokutshiyeneyo okade luphiwa abanye babo nguhulumende we Bhilithane.

Uthi inengi labo yilabaya abalemali eyadliwa yi inflation abanye njalo ngabasala bengasela lutho ngemva kokusebenzisa imali yabo yonke ekuthengeni okokukhuphula inzuzo emapulazini abo engakathathwa ngabalandeli bebandla le ZANU PF.

Ingcwethi kwezenotho uMnu. Masimba Kuchera uthi uhulumende kumele ancedise abamhlophe laba abadubekayo.

Ingcwethi kunhlalakahle kazulu uMnu. Liberty Bhebhe uthi kumele abenkonzo ze South Africa abadingela abamhlophe ukudla bancede njalo izisebenzi ezalahlekelwa yimisebenzi kuthathwa amapulazi.

XS
SM
MD
LG