amalinks wokungena

Breaking News

Amabandla Ombusazwe Ahlangana Emhlanganweni Omkhulu NgoMgqibelo


Umhlangano weMDC-T e Gweru

Amabandla aphikisayo asemanyene phansi kwegama elithi MDC Alliance akhokhelwa nguMnu. Morgan Tsvangirai azakuba lomhlangano omkhulu egcekeni le Zimbabwe Grounds eHarare ngoMgqibelo.

Eyinye yenkokheli ezokuba kulumbuthano ibalisa uMnu. Welshman Ncube owe MDC, uMnu. Tendai Biti owe People’s Democratic Party loMnu. Jacob Ngarivhume owebandla le Transform Zimbabwe.

Ingcwethi zombusazwe zithi inani labantu abazaya kulumbuthano lizaba yisibonelo sokuba lumanyano uyenelisa kumbe kawenelisi ukuqoqa abantu abanengi.

Kubikwa ukuthi lokhe kusakhulunyiswana loNkosikazi Joice Mujuru okhokhela ibandla le National People’s Party ukwenzela ukuthi laye angene kumanyano lo kodwa akuthembisi ukuthi uzangena ngoba esithi laye ufuna ukukhokhela lumbuthano.

Kambe lumanyano uzanqoba na kukhetho oluzakwenziwa ngomnyaka ozayo? Ukuhlaziya loludaba sixoxe lelunga lebandla le Zanu PF, uMnu. George Mlala owalwa impi yenkululeko, lengcwethi ecubungula ezombusazwe, uMnu. Anglistone Sibanda.

USibanda uthe, “Nxa kungayenzakala kungasoze kuphelele emaphepheni kuphela ngibona engani amabandla aphikisayo azaqina abe njengoba ayeyikho ngomnyaka ka 2000 lapho ayethusa khona iZanu PF."

USibanda uthe umanyano lo unganqoba ngoba abantu baphakathi kodubo njalo bayabona ukuba ibandla le Zanu PF likhokhelwa ngumuntu osekhulile.

Kodwa uMlala yena uthe: “Ngiyamuzwa undoda la uyakhuluma kodwa imkhonto yakho ingaze igcwale indlu ayisiyo yonke ezagwaza isilwane siyagwazwa ngumkhonto owodwa kuphela. Nxa ungakwazi ukuwusebenzisa akulanto ozayenza.”

please wait

No media source currently available

0:00 0:05:33 0:00

Facebook Forum

XS
SM
MD
LG