amalinks wokungena

Breaking News

Amabandla Ezombusazwe Amadolonzima Ukhetho Lona Soluseduza


UMnu. Morgan Tsvangirai

UMongameli Emmerson Mnangagwa uthi ukhetho luzakwenziwa masinyane kulalokho akade kucatshangelwa.

Uthi ukhetho lwe Zimbabwe lolu oluqakathekileyo luzakwenziwa uNtulikazi engakazifiki.

UMnangagwa ukhulume la mazwi ngoLwesithathu kwele Switzerland emhlanganweni weWorld Economic Forum.

Lokhu sekutshiye amabandla aphikisayo esematasatasa ngoba kungamanga kuhle kuwo.

Kunsukwana ezisanda kwedlula kuphume imbiko ethi umkhokheli we MDC-T, uMnu. Morgan Tsvangirai, ubecele uMnangagwa ukuthi adlulisele ukhetho phambili ngeminyaka emithathu.

Sikhuluma nje, amabandla aphikisayo abengakaqali ukukhankasa okuqotho njalo akukavunyelwani ngemigoqo yomanyano wamabandla la.

Ukuhlaziya loludaba sixoxe lengcwethi ecubungula ezombusazwe, uMnu. Cassius Jayz Simana Mpofu, lomsekeli wesikhulumeli sebandla leMDC-T, uNKosazana Thabitha Khumalo.

UMaKhumalo uthi, “Hayi ekulungiseleni njenge MDC le MDC Alliance siphansi kuzulu silokhu sizama ukuthi sibakhuthaze ukuthi bavote njalo sibachasisela umumo wezinto lokuthi sibathembisani njenge Alliance.

"Kodwa okukhona yikuthi nxa ubaba uMnangagwa esesithi ukhetho alusoze lube ngoJuly isisekelo sombuso sithi ukhetho lwenziwe phakathi kuka July lo August ngingazi ukuthi usetshintshe isisekelo sombuso wafaka ilanga alifunayo.”

UMpofu yena uthi amabandla ezombusazwe, ikakhulu aphikisayo, akhanya edonsa amadola ekukhankaseni njalo uthi lokubambana ababethembise uzulu ukuthi bazakwenza akukhanyi kukhona.

“Kunengi khona njengabamabandla aphikisayo okumele bakwenze. Isikhathi siphelile kodwa kunengi okumele bakwenze."

Uthi abantu sebedideke ingqondo ngokungabambani kwamabandla aphikisa elibusayo njalo akukhanyi ukuthi kulokulungisela ukhetho oluqakathekileyo kakhulu.

Kodwa uMaKhumalo uthi kukhona abakwenzayo kodwa intathelizindaba azikulobi lokhu.

please wait

No media source currently available

0:00 0:05:03 0:00

Facebook Forum

XS
SM
MD
LG