Umphathintambo wezemali uMnu. Tendai Biti uthi kulamabhanga amahlanu kwele Zimbabwe ayehluleka ukudinga imali yokusebenza ezimele njengalokho okufunwa libhanga elikhulu lelizwe iReserve Bank of Zimbabwe.
UBiti uthi amabhanga la agoqela iZimbabwe Allied Banking Group, Genesis Investment Bank kanye le Royal Bank kumele amanyane ukuze adinge imali efunakalayo yokuzithuthukisa.
Amabhanga la bekumele abe lemali efunakalayo ngoLwesibili ukuze angavalwa yi RBZ. Bekudingakala ukuthi amanye aphande izigidi ezinhlanu zamadollar kuthi-ke amanye njalo izigidi ezedlula itshumi.
Umnu. Masimba Kuchera ingcwethi kwezenotho uthi umbiko ka Mnu. Biti uyancomeka ngenxa yokuthi amabhanga engamanyana alakho ukuhlanganisa imali ezakwenza ukuthi asebenze okusemthethweni.
