Umnu. Saviour Kasukuwere umphathintambo obona ngezabatsha lokuthuthukisa inotho yabensundu uthi amabhanga emazweni asebenzela eZimbabwe kumele avalwe nxa engafuni ukunceda amankampani asedilika kumbe ehluleka ukuqhubeka ngomsebenzi okugcweleyo.
U Kasukuwere owethekelela izabelo ezitshiyeneyo zelizwe echasisa uhlelo lwe indigenization kuzulu ekhatshwe ngabaphathintambo bakahulumende bebandla le Zanu PF, uthi amabhanga la engehluleka ukunika amankampani izikwelede kuzabangela ukuthathwa kwawo ngobudlwangudlwangu nguzulu.
Umnu. Matson Hlalo owayengumqondisi we Affirmative Action Group utshele uGibbs Dube we Studio 7 ukuthi uMnu. Kasukuwere akumelanga ethusele amabhanga njengoba udubo lwemali kuluhlupho olubhekane labosomabhizimusi bonke elizweni.
Amabhanga Ehluleka Ukunika Osomabhizimusi Abensundu Izikwelede Kumele Avalwe - Kasukuwere
- Gibbs Dube
