amalinks wokungena

Breaking News

'Amabhanga Emazweni Asebenzela eZimbabwe Sokumele Aqalise Ukuthengisela Uzulu Amashares'


Ikhomidi ehlolisisa okuphathelane lama shares amabhanga ithi kumele izizalwane ze Zimbabwe zithengiselwe isilinganso sokungamatshumi amane ekhulwini samashares hatshi esedlula amatshumi amahlanu esifunwa nguhulumende.

Ikhomidi le engaphansi kohlelo lwe indigenization yethule lumbiko kunsukwana ezisanda kwedlula kugatsha olubona ngezabatsha lokuthuthukisa inotho kazulu.

Ithi amashares amabhanga emazweni asebenzela eZimbabwe kumele athengiselwe uzulu kusukela ngomnyaka ozayo kuze kuyefika umnyaka ka 2015.

Inhlanganiso yamabhanga iBanking Association of Zimbabwe ibikwa ikhonona ngalokhu isithi uhlelo lolu luzabhidliza inotho yelizwe nxa amabhanga engakhahlamezwa.

Ingcwethi kwezenotho uMnu. Bekithemba Mhlanga utshele uGibbs Dube we Studio 7 ukuthi amabhanga kumele emukele okwethulwe yikhomidi le, njengoba elakho ukuthathelwa inotho nguhulumende nxa ekhonona ngohlelo lwe Indigenization.

‚Äč
XS
SM
MD
LG