Amabhanga emazweni asebenzela eZimbabwe athi awahambelani lokuthengisela abansundu amashares kuhlelo lwe indigenization edlula okungamatshumi amahlanu kusilinganiso sekhulu.
Amabhanga la abhalele ikhomidi ebona ngezokwabelana kwamashares amabhanga yaqonqosela ukuthi uhlelo lwe indigenization akumelanga lujahe ukuthengisela uzulu amashares amabhanga emazweni.
Athi kumele avunyelwe ukwenza inhlelo ezizanceda uzulu kulokuthi kuthengiselwe amashares abantu abalutshwana.
Abazi ngokwenzakalayo bathi eyodwa ibhanga ithe kumele uzulu athenge amashares kumabhanga aphose afike angamatshumi amahlanu kusilinganiso sekhulu.
Ingcwethi kwezombusazwe uMnu. Roderick Fayayo utshele uGibbs Dube we Studio 7 ukuthi uzulu ulakho ukuthola uncedo olulohlonzi nxa amabhanga la angenza inhlelo ezitshiyeneyo emadolobheni lemaphandleni.
