amalinks wokungena

Breaking News

Amabandla Ezombusazwe Avumelana Ngelanga Lokhetho


Ukhetho

Amabandla ezombusazwe ayavumelana ukuthi ukhetho lokudinga umongameli welizwe lezinye iziphathamandla kumele lwenziwe mhlaka 21 Ntulikazi kumbe umhlaka 21 Ncwabakazi engakafiki.

Lokhu kuphume emhlanganweni owenzwe ngamabandla alamalunga edale lephalamende, abalisa amacele eMDC womabili lele Zanu PF kunye logatsha lwezokhetho olwe Zimbabwe Election Commission ngeviki edluleyo edolobheni le Nyanga.

EleZimbabwe lizakwenza ukhetho okwakuqala kungela Mnu. Robert Mugabe owayengumkhokheli webandla le Zanu PF lomuyi, uMnu. Morgan Tsvangirai owayekhokhela ibandla le MDC-T.

Kucatshangelwa ukuthi uMnu. Nelson Chamisa, osekhokhela ibandla le MDC-T nguye ozamisana loMongameli Emmerson Mnangagwa.

Ukhomishina wogatsha lwezokhetho olwe ZEC, uMnu. Qhubani Moyo obekhona emhlanganweni owenzwe lamandla ezombusazwe utshele iStudio Seven ukuthi amabandla kade ekhona emhlanganweni lo ayavumelana ngamalanga okhetho

“Okuyikho kade kusiyaxoxwa ngakho. Nxa sikhuluma nge road map abantu bebefuna ukubakwazi ukuthi kanti vele icommission yethu ihambe okunganani ukuthi ilungiselele ukhetho.

Okuphumileyo yikuthi abantu bonke bavumelene ukuthi ielection ye Zimbabwe kumele iyenziwe nxa iphuzile kuqalisa mhlaka 21 July ilast date kube mhlaka 21 August, kutsho uMoyo.

Kodwa uMoyo uthi okuqakathekileyo yikuthi lanxa ukhetho seluseduze abangenelisanga ukubhalisela ukuvota belokhu belethuba lokwenza lokhu emahofisini eZEC.

please wait

No media source currently available

0:00 0:02:29 0:00

Facebook Forum

XS
SM
MD
LG