amalinks wokungena

Breaking News

AbeBotswana Bakhala Ngokuqonga Kokwephulwa Komthetho ngabeZimbabwe


Induna zeBotswana ezigabeni ezingcelelane leZimbabwe zithi sezihlanganise amakhanda labanye babo komakhelwane ukuze baqede ukuqonga kwamacala adalwa yilabo abavela elizweni likamongameli Robert Mugabe.

Induna yasesigabeni seJakalasi Number 1, uTapson Jakalasi uthi izakhimizi zakhe zihlalele evalweni ngenxa yezikliwi ezivela eZimbabwe. Uthi inengi selisesaba ukuhamba ebusuku ngenxa yabeqa umngcele bazodala amacala baphindele emathathakusa. Uthi ezinye induna ezigabeni eziphathekileyo kuloludaba sezikhulume labanye babo eZimbabwe ukudinga amacebo okulwisana lokudalwa kwamacala.

Esinye isizalwane esivela kusigaba esibhekane lodubo lolu uJoe Butale uthi inengi leZimbabwe lifika lisithi lizodinga imisetshenzanyana kanti bale jongo engacaciyo. Ugcizelele esithi kuqakathekile ukuthi abomthetho kumele babambe ziqinise ukuze beqede ubudlwangudlwangu lobu.

OweZimbabwe uKenneth Mbambo uthi lihlazo ukuthi umuntu wasekhaya usefananiswa lakho konke okubi okwenzakala eBotswana. Uthi umongameli Robert Mugabe kumele abulawe zinhloni zokuthi abantu bakhe sebephenduke amasela kwamanye amazwe ngesikhathi bezama ukuziphilisa, noma nje esithi ukuziphatha kanje kulihlazo…

Amacala avame kakhulu agoqela ukugqekeza ezindlini kanye lokuntshontshwa kwezifuyo.

Amapholisa athi kuntshontshwa kakhulu imphahla esebenzisa ugetsi efana la bomabonakude, izigxingi zemisakazo kanye labo makhala ekhukhwini.

Kulokwesaba ukuthi isimo lesi singajika singene esigabeni esibi ngoba izakhamizi sezifaka umthetho ezandleni zazo, zitshayela ukubulala amasela.

please wait

No media source currently available

0:00 0:02:09 0:00
Lapho esitholakala khona

XS
SM
MD
LG