amalinks wokungena

Breaking News

I-Zimbabwe Akumelanga Iphiwe iMvumo Yokuthengisa amaDayimana eChiadzwa yiKimberley Process'


Idale lephalamende le European Union selithethe isinqumo sokuthi amadayimana eZimbabwe eChiadzwa koMarange, akumelanga athengiswe nxa lelozwe lingakanikwa imvumo yokwenza lokhu yinhlanganiso ye Kimberley Process.

Umnu. Geoffrey van Orden owe dale laphalamende leEU uthi kuvunyelenwe ukuthi uhulumende kumele akhiphe amasotsha ahlukuluza uzulu eMarange njalo akhulule olwela amalungelo oluntu uMnu. Farai Maguwu kungela kugila imikhuba.

U Van Orden uthi lelidale liphinde lathatha isinqumo sokuthi uMnu. Abbey Chikane oyisithunywa se Kimberley process eZimbabwe kumele engasekeli cele nxa eqhuba umsebenzi wakhe.

Uphinde wathi idale leli licunulwa yikuthi kulabantu abalutshwane abakubandla le Zanu PF abafuna ukweba amadayimana batshiye uzulu esidla inqweqwe zomlomo.

Umnu. George Mkhwanazi ingcwethi ecubungula ezombusazwe utshele uGibbs Dube we Studio 7 ukuthi kuyamangalisa ukuthi ele Zimbabwe lifuna ukuthengisa amadayimana lingakaphiwa imvumo yi Kimberley Process.

‚Äč
XS
SM
MD
LG