amalinks wokungena

Breaking News

Umongameli Donald Trump Uqhuba Umhlangano weRally ePennsylvania


Umongameli Donald Trump loMnu. Joe Biden
Umongameli Donald Trump loMnu. Joe Biden

Uchasise ngenhlelo zakhe ezinengi njalo wazitshaya isifuba ngokuthi usethuthukise umnotho welizwe, ngasikhathi sinye echothoza uMnu. Joe Biden.

Kwezenzakala eMelika: Umongameli Donald Trump ubelomhlangano omkhulu we rally ePennsylvania ngoLwesibili ntambama, njalo waloba enkundleni ye twitter ukuthi uyathokoza ngoba kulabantu abanengi emhlanganweni wakhe, okusobala ukuthi bayaqhubeka ngohlelo lokulungisa eleMelika olwe "Make America Great Again."

Uchasise ngenhlelo zakhe ezinengi njalo wazitshaya isifuba ngokuthi usethuthukise umnotho welizwe, ngasikhathi sinye echothoza omunye olungiselela ukuncintisana laye kukhetho ngomnyaka ozayo engaphumelela owebandla lama Democrats, uMnu. Joe Biden.

UMnu. Biden, owayengumsekeli kamongameli Obama, usungule ngokusemthethweni umkhankaso wakhe kumalanga ambalwa edluleyo, owokuncintisa kukhetho lokudinga umongameli.

Umanyana labanye abebandla lakhe ababalisa usenator Bernie Sanders we dolobho leVermont, usenator Elizabeth Warren weMassachusetts, usodolobho weIndiana uMnu. Pete Buttigie, usenator Kamala Harries weCalifornia, kanye lelunga ledale lecongress uMnu. Beto O’rourke.

Ozaphumelela kukhetho lwama primary elections kubandla lamaDemocrats, uzangqikilana lomongameli Donald Trump owebandla lamaRepublicans, yena oyabe esencintisela ukubusa okwesigaba sesibili sombuso wakhe.

Njengenjayelo nxa kulungiselelwa ukhetho, amalunga la adinga imali yokusebenzisa lapho ekhankasa, efika izigidi lezigidi zamadola.

Ingcwethi ecubungula ezombusazwe uMnu. Dumaphi Mema, oyisizalwane seZimbabwe esihlala eTexas usichasisela ukuthi imali le iphathisa njani abancintisayo.

please wait

No media source currently available

0:00 0:01:17 0:00

XS
SM
MD
LG