Amalunga ebandla lamaDemocrats adinga ukukhethwa ukuncintisa kukhetho lokudinga umongameli ngomnyaka ozayo khonapha eMelika, abephakathi kwengxoxo-mpikiswano yesine, i debate, ngoLwesibili ebusuku eOhio, lapho okucutshungulwe ezempilakahle, ezomnotho welizwe, imizamo yokumisa umongameli trump umsebenzi nge impeachment, lokunye okunengi-nengi.
Abalitshumi lambili abaphatheke kulingxoxo-mpikiswano babalisa uNkosikaziTulsi Gabbard owedolobheni le Hawaii, isinothi uMnu. Tom Steyer, usenator Cory Booker owe New Jersey, usenator Kamala Harris-California, usenator Bernie Sanders-Vermont, owayengumsekeli kamongameli Barack Obama uMnu. Joe Biden, usenator Elizabeth Warren-Massachusetts, usodolobho we South Bend eIndiana uMnu. Peter Buttgieg, usomabhizimusi uMnu. Andrew Yang, uMnu. Beto O’Rourke, usenator Amy Klobuchar owe Minnesota lo Mnu. Julian Castro.
Okhokhelayo kulumnciniswano, lapho okuzakhethwa oyedwa ozangqikilana lomongameli Donald Trump, ngusenator Warren, elandelwa ngo senator Biden, Sanders, lo Harris.
Ukucubungula loludaba, sixoxe lengcwethi ecubungula ezombusazwe, uMnu. Calvin Manduma, obebukele lingxoxo-mpikiswayo kumabonakude, ekhonapha eMelika.
