amalinks wokungena

Breaking News

Amadola eMelika Awaseyikutholakala Emabhanga eZimbabwe


Ama bond notes

Udubo lwemali elizweni selufike kusibanga esikude kulandela imbiko kasibalukhulu webhanga lesizwe, uMnu. John Mangudya othi amabhanga awasekuphiwa amadola eMelika ukuze awabele uzulu makhaza kuphiwe osomabhizimusi kuphela.

UMangudya utshele intathelizindaba ukuthi abanengi sebesenza ibhizimusi lokuthatha amadola eMelika emabhanga bawathengise emkambo wensitha osekubangeke ukuthi idola lisilele elizweni.

Ngalokho uthe ibhanga lesizwe, ele Reserve selizamisa ukupha amabhanga amadola la.

Usomabhizimusi wako Bulawayo, uMnu. Albert Mhlanga utshele iStudio Seven ukuthi amanye amabhanga asesipha abantu imali yohlobo lwama bond notes awamatshe angama cent alitshumi ukuze bathole imali.

Ukusilela kwemali emaphandleni kuphindwe kabili ngoba kwesinye isikhathi umuntu lanxa elemali efonini amagagasi, inetwork, iyabe ingekho.

Isakhamuzi se Daluka eLupane, uMnu. Khipha Ngwenya usichasisele ngodubo lokusilela kwemali emabhanga.

Umongameli Emmerson Mnangagwa uthi ilizwe lilakho ukusungula imali yesizwe ngemva kokhetho nxa engangqoba..

Ibandla eliphikisayo ele MDC-T lithi lingangqoba kukhetho lizathi kusetshenziswe idola leMelika kuphela lihle lisuse ama bond notes ngoba engasebenzi phandle kwelizwe andubana kuqiniswa umnotho welizwe ukuze kube lemali yelizwe.

please wait

No media source currently available

0:00 0:04:33 0:00

Facebook Forum

XS
SM
MD
LG