amalinks wokungena

Breaking News

Joram Gumbo: Amagalaji Azathola Amafutha Ephethulo Kuyonale Impelaviki


Joram Gumbo
Joram Gumbo

Usibalukhulu webhanga elikhulu lelizwe eleReserve Bank of Zimbabwe uMnu. John Mangudya utshele iStudio 7 ngoLwesihlanu ukuthi uhulumende usethole imali eyizigidi ezingamatshumi amahlanu amadola - $50 million eyokuthenga amafutha ezimota awokuhambisa awephethulo njalo kukhangelelwe ukuthi abe esekhona emagalajini kuyonale impelansonto.

Uthi imali le ngeyama lines of credit abeselungele ukusebenza njalo amanye azavuthwa ngemva kwamaviki amabili.

Ubegcizelela amazwi kamphathintambo kahulumende obona ngezamandla amagetsi uMnu. Jorum Gumbo, kulandela umhlangano wedale le cabinet izolo.

UMnu. Gumbo uthi obekubangela ukuswelakala kwamafutha ephethulo yikuphuza kukahulumende ukubhadala amankampani akwamanye amazwe athenga lamafutha.

Uthe ukusilela kwamagetsi kubangelwa yikuthi amanzi asemalutshwana edamu leKariba njalo amahlahle eHwange Power Station awathokali lula. Uthi uhulumende uzathenga amagetsi eMozambique ukuqeda loluhlupho.

Ukuhlaziya loludaba, sixoxe loMnu. Bekezela Maduma Fuzwayo, ingcwethi ecubungula ezombusazwe othi kusobala ukuthi azaphela njalo amafutha la ngemva kwesikhatshana.

please wait

No media source currently available

0:00 0:03:24 0:00

XS
SM
MD
LG