amalinks wokungena

Breaking News

Amakhansila eHarare Afungiswa Ukuqala Umsebenzi


UMayor weHarare ukhethwa ngamakhansila.

Amakhansila angamatshumi amane lasithupha afungiswe ukuqala umsebenzi ngosaphethe isikhundla sokuba ngumabhalani omkhulu wekhansili uActing Town Clerk umnumzana Hoseah Chisango.

Abafungiswe ukuqala umsebenzi bathe beqeda ukwenza lokho bahle bakhetha uMayor omutsha uMnu. Herbert Gomba esekelwa ngu Mnu. Enock Mupamawonde. Bobabili ngabomanyano wamabandla aphikisayo owe MDC Alliance njalo phakathi kwamakhansila afungiswe namhlanje ngabomanyan kuloyedwa owe Zanu PF uphela uMnu Martin Matinyanya onqobe kukhetho lokudinga ommela umuzi weMbare.

Ekhuluma emkhosini wokufungiswa kwamakhansila la, owenzelwe esigodlweni sekhansili eseHarare Town House, uMayor Herbet Gomba uthe kathesi sekumele ukhansili adinge indlela zokuzitholela imali ukuze enelise ukuqhuba imisebenzi yokuthuthukisa idolobho leli.

“Idolobho kufanele libuye lohlelo lokuguqula indlela ukhansili obesenza ngayo ukuze liqede udubo elikhangelane lalo. Uhlelo lolu isiqokoqela salo kufanele sibe ngesokwandisa imali kakhansili kanye lokwehlisa inhlelo eziqedela ukhansili imali. Sekuyisikhathi sokuthi ukhansili acabange ngokuletha inhlelo eziletha imali ezinjengokuvula inkampani eguqula ingcekeza iyisebenzise ukulungisa amafetelayisa, iphinde iguqule ingcekeza ibe ngugetsi kanje lamankampani azabe elungisa imigwaqo,”

UMayor Gomba uphinde wacela uhulumende owe Zanu PF ukuthi agcwalise izithembisao azenzayo ukuthuthukisa inotho yelizwe ukuze umsebenzi wekhansili lawo ubelula.

Lokhu kugcizelelwe ngamakhansila akade ekhona emkhosini lo athe sekufamele kusetshenzelwe ilizwe kusiya phambili hatshi ukucitha isikhathi kuphikiswana ngendaba ezingelani lokuthuthukisa impilo zabantu.

Ukhansila Gilbert Thamsanqa Hadebe uthe ukungasebenzelani kuhle kwabamabandla eZanu PF labe MDC kwenza ukuqutshwa kwenhlelo zekhansili zibenzima.

“Engingathi ngifuna ukuthi ngikusebenze njengo khansila osephendukile njalo okwesibili yikuthi kulezinto engangikhangelele ukuthi ngizenze ngethemu yakuqala, ikhansili ukusebenza kwayo akufanani lalokho esikucabangayo singakangeni kukhansili, uzabona ukuthi kulenhlupho lapha lalaphaya, amanye ngawepholithiki, ngoba uminista ayisuye wethu njalo uyabe usebenza labanye abasuka kuZanu pf, ibandla eliyabe libusa ngaleso sikhathi, kodwa kathesinjengoba sengingumuntu osesazi sekundlela engikhangelele ukuthi ngizazisebenzisa ukuthi izinto engizifunayo ziphumelele njengalokhu engikukhangelelayo,”

Ukhansila Martin Matinyanya onguye yedwa ongene kukhansili engowe Zanu PF uthe akasoze ethuselwe yikuba yedwa omele ibandla lakhe phakathi kwamakhansila angamatshumi amathatha lanhlanu awe MDC Alliance.

Uphinde wathi ulethemba lokuthi uzasebenza kuhle lamanye amakhansili njengoba ukuba kudale lekhansili kungatsho ukuthi umele ibandla lakhe kuphela kodwa kutsho ukuthi usebenzela wonke umuntu osesigabeni sakhe.

“Nxa sisenza imihlangano kakhansili siyabe sesikhangelane lenhlelo zokuthuthukisa idolobho lethu , so abasoze bengilimazele ukuthi ngiyenza umsebenzi kakhansili , sibantu banye nxa sisemhlanganweni njengesakwenzayo kusikhathi esidlulileyo, sekungokwesibili ngikhethiwe ukuba ngukhansila ngakho ke nxa sisemhlanganweni sisebenza sonke akusoke kube lodubo,”

Ukhansila Denford Ngadziore ukhalaze ngodaba lokupha ugatsha luka hulumende olwe ZINARA amandla wokuthatha imali kubatshayeli bezimota eqondane lokulungisiswa kwemigwaqo kodwa lowo mlandu ubusuphiwa ikhansili ukuthi ilungisise imigwaqo yona ingayisiyo ephatha leyo mali.

“Njengokhansila kumele sitshiyane loku khala ngoHulumende ngoba ngilethemba lokuthi siyenelisa ukuthuthukisa idolobho sikundawo esivela kizo okutshiyene lohulumende okhatshana okhokhelwa yiZanu pf , ngilethemba lokuthi njenge khansili seyenelisa ukuletha inguquko eziqintini esikizo. Mina ngikhangelane lokwenza engakuthembisa uzulu ngesikhathi ngidinga usekelo kodwa ngiyazi silendubeko ezinengi eHarare njalo zikhona kusigaba engisimeleleyo kodwa kufanele sikhulumisane lohulumende kunhlelo esiyabe singenelisi ukuziqhuba. Njengomzekeliso, silomlandu wokulungisa imigwaqo emihle eHarare kodwa imali eqondane lalo umsebenzi ithathwa yiZINARA , ngakho ke ngiqala umsebenzi ngifuna ukulungisisa loludaba ukuze imali ethathwa yiZINARA ibuye ukuzolungisisa imigwaqo,”

Ukhansili weHarare ukibwa ethole uncedo lwemali engangezigidi phose ezingamakhulu amabili-$180million, lokulungisisa impompi zamanzi edolobheni leHarare.

Lokhu kuzakuba ngumsebenzi wakuqala ozaphathwa yinkokheli yekhansili entsha ngakho uzulu ukhangele ukuthi leyo mali izasetshenziswa njani ngesikhathi umkhuba wenkohlakalo ubhahile elizweni.

please wait

No media source currently available

0:00 0:06:46 0:00

Facebook Forum

XS
SM
MD
LG