amalinks wokungena

Breaking News

Amakristu Enza Umhlangano Wokubona Ukuthi Engaphatheka Njani Kwezombusazwe


Abafundisi

Abamabandla okholo lwesiKhrestu bahlangene bekhulumisana ngodaba lukazibuse, okuphathelene lokhetho kanye lokuba bona bangaphatheka ngayiphi indlela kwezombusazwe.

Lumhlangano wenzelwe e Cathedral Hall, eHarare uqoqwe ngumanyano wezinkonzo owe Zimbabwe Council of Churches.

Unobhala jikelele we ZCC, umfundisi Doctor Kenneth Mtata, uchasise ukuba kungani becabange ukuhlangana njengamaKrestu.

Uqubeke ethi kuqakathekile ukuzwisisana phakathi kwabalembono ehlukeneyo, ngoba kuyikho okungasiza ekuthuthukiseni ilizwe.

UMtata uthi kunengi okusamele kwenziwe ukuze avuleke amehlo amaKrestu, azwisise ukuqakatheka kokuphatheka kunhlelo zokuvhota. Kungalesi sizatho athi bakubone kufanele basungule umkhankaso othiwa wona “ I Pray, I vote ”.

Bekulamalunga edale lephalamende, anxusiweyo kulomhlangano, ababalisa unkosikazi Priscilla Misihairambwi Mushonga.

Unkosikazi Misihairambwi Mushonga, uthi ufisa ngabe yenziwa sikhathi sonke imihlangano yaloluhlobo, ngoba kusiza ekuqedeni ukwesaba kwamaKrestu nxa kukhulunywa ezombusazwe, baxoxisane bekhulelikile.

Lumhlangano ungene ngamakholwa avele kumabandla ehlukeneyo, abezombusazwe bamabandla agoqela abecele leMDC-T ekhokhelwa ngumnumzana Nelson Chamisa, abe Zanu PF, abe MDC ekhokhelwa nguMnu. Welshman Ncube lamanye.

Inengi labangene lumhlangano belidumisa umdali ngalesi sehlakalo bethi kukalutshwana ukuthi ubone amaKrestu babonakale behlala phansi bebonisana ngendaba ebezizila ezikhathini zangemuva ukuxoxisana ngazo, esesaba ukuthi kuzathiwa asephambuka kulokho okumele akwenze.

please wait

No media source currently available

0:00 0:04:58 0:00

Facebook Forum

XS
SM
MD
LG