Amalunga E-UFIC Athi UMakandiwa Useguqule Impilo Zawo

WASHINGTON —  Kulandela umkhosi webandla lokholo lwesiKrestu ele United Family International Church ngempelaviki owenziwe phansi kwesihloko esithi “Judgement Night 2” abalandeli balelibandla elikhokhelwa ngumprofethi uMakandiwa bathi balethemba lokuthi eleZimbabwe lizaba lilizwe elingcono njengalokhu okukhulunywe ngumkhokheli walelibandla.

UMakandiwa ubikwa ephrofithe ukuthi umnotho welizwe uzathuthuka, okuthakazelelwe zinkulungwane lenkulungwane zabantu, ebezikulo umkhosi enkundleni ye National Sports Stadium eHarare ngoMgqibelo.

Ilunga lalelibandla uMnu. Never Nyahunzvi uthi impilo yakhe seyaguquka ngoba kasanathi utshwala lokwenza okunye okokuzithokozisa.

UMnu. Nyahunzvi utshele uSithandekile Mhlanga weStudio 7 ukuthi okukhulunywa nguMnu. Makandiwa kuyenzeka nxa umuntu ekholwa.