Abacatshangelwa ukuthi bangamalunga enhlanganiso elwela ukuthuthukisa abensundu kwezenotho, iAffirmative Action Group (AAG), babikwa besethekelela amankampani abamhlophe koBulawayo besithi kumele anike izisebenzi amashares.
Abantu laba babikwa bekhokhelwa nguMnu. Roy Sibanda othi bakwenza lokhu phansi kweziqondiso zomthetho we Indigenization and Empowerment Act, okhangelane lokwabela izizalwane zeZimbabwe amashares kumankampani alenotho edlula inkulungwane ezingamakhulu amahlanu amadola eMelika.
Umqondisi we AAG, uMnu. Supa Mandiwanzira, uthi lababantu abasibo benhlanhaniso yakhe ngakho-ke kumele babotshwe njengoba befuna ukubhidliza inotho yelizwe.
Lokhu kwenzakala ngesikhathi inhloko kahulumende uMnu. Morgan Tsvangirai etshele umphakathi ngeviki ephelileyo kwele South Africa ukuthi abamhlophe kabasoze bathathelwe amankampani abo ngodlame phansi komthetho owe Indigenization.
Isikhulumeli seBulawayo Progressive Residents Association, uMnu. Roderick Fayayo, utshele uGibbs Dube we Studio 7 ukuthi ukwenza kwalaba bantu abathi ngabe AAG kulihlazo.