amalinks wokungena

Breaking News

Amalunga Ebandla Le-MRP Amabili Amiswa Phambi Kukamthethwandaba Bestheswa Icala Lokuphehla Udlame


MRP Members outside Tredgold Magistrates Court Building in Bulawayo

Ababili babotshwe ngesikhathi bezama ukuyakwethula ugwalo emthethwandaba waphezulu owe-High Court, olwalulezikhalazo ezazimayelana lokususwa kwamalunga abandla labo entolongeni ye-Khami, besiwa e-Chikurubi, e-Harare, lapho ababesithi kukhatshana lemuli kanye labangane bezibotshwa.

Amalunga amabili ebandla le-Mthwakazi Republic Party, uLwazi Khanye loSindisiwe Goitse Moyo, ababotshwa ngenyanga kaMpandula 2022, besetheswa icala lokuphehla udlame, bebemiswe phambi kukamthethwandaba e-Tredgold izolo.

Ngesikhathi bebotshwa, babezama ukuyakwethula ugwalo komthethwandaba omkhulu – i-High Court, olwalulezikhalazo ezazimayelana lokususwa kwamalunga abandla labo entolongeni ye-Khami, behanjiswa e-Chikurubi, e-Harare, lapho ababesithi kukhatshana lemuli kanye labangane bezibotshwa.

USindisiwe Moyo yena wayebelethe umntwana olomnyaka owodwa ngesikhathi bebotshwa. Icala labo lidluliselwe phambili mhlaka 13 kaZibandlela, njalo kalikaqali ukuthethwa. I-Studio 7 ixoxe loMnu. Mqondisi Moyo umkhokheli webandla le-MRP ngaloludaba.

“ULwazi Khanye loSindisiwe Moyo, labanye abangazange babotshwe abathath i-petition besithi baya-hander-over ku-High Court, ukuthi bebonise ukuthi kasijabulanga ngaleso senzo: Okwabangelaukuthi uKhanye loSindisiwe Moyo owayebahbhule umntwana ole-1 year; 10 months, bahle bebotshwe. Bebotshwa noku-inciter i-public violence; okuyinto abangazange bayenze.” Kutsho uMnu. Moyo

UMoyo uthe okudanisayo kakhulu yikubana, oMantshi bapha izigwebo abazitshelwayo zivela kumongameli Mnangagwa. Lezo zigwebo ezingazwisisekiyo ngezokwethusela amalunga amabandla aphikisayo.

please wait

No media source currently available

0:00 0:03:42 0:00

Facebook Forum

XS
SM
MD
LG